Fallegt er yfirskrift tveggja sviðslistaverkefna sem fjalla um sjálfbærni og tengsl mannsins við umhverfi sitt eftir Steinunni Knúts Önnudóttur. Leiðin er performatíf pílagrímsganga og Þú og ég eru sviðsett stefnumót við hið meira-en-mennska. Verkefnið var styrkt með 12 mánaða Listamannalaunum 2025.

Erindi: Allt fyrir ástina

Á tímum vaxandi áhrifa loftslagsbreytinga og skorts á vitsmunalegum mótvægisaðgerðum er nauðsynlegt að skoða hlutverk sviðslista. Þó vandamál samtímans verði ekki leyst nema í gegnum róttækar kerfisbreytinga, þá geta listir stuðlað að því að vekja fólk til vitundar og styrkja tengsl mannsins við umhverfi sitt, hvort sem um er að ræða samskipti við annað fólk eða náttúruna sjálfa.

Til þess að við getum kosið yfir okkur kerfisbreytingar, þarf að vera til staðar knýjandi þörf sem hvetur til aðgerða. Sú þörf er kærleikur og tengsl: kærleikur til afkomenda okkar sem munu erfa jörðina og kærleikur til hins meira-en-mennska, þ.e. fjalla, lækja, fugla og blóma. Við gerum allt fyrir ástina, og orðið “fallegt” er heilandi töfraorð sem umbreytir vonleysi í virkni.

Afleiðingar tengslaleysis, einangrunar og bergmálshella veikja getu mannsins til að bjarga sér frá glötun. Samstaða minnkar og tortryggni og grimmd býr um sig. Hér hafa sviðslistir mikilvægu hlutverki að gegna, með því að skapa og styrkja tengsl. Umbreytandi listir tala til persónulegra gilda og snerta sjálfshugmyndir okkar. Til að stuðla að breytingum þarf fólk að vita fyrir hvað það stendur og virkja kærleiksvöðvann.

Verkefnin Leiðin og Þú og ég miða að því að skapa tilvistarlegan spegil í gegnum sviðsett stefnumót sem bæði efla tengsl og veita tilefni til sjálfskoðunar. Þau eru hönnuð til að næra, róa en jafnframt styrkja gesti í viljanum til að bjarga heiminum með því að hlúa að tengslum. Verkefnunum er ætlað að skapa von og draga úr ótta og depurð yfir framtíðinni sem eru alþjóðleg plága sem herjar sérstaklega á ungt fólk.

Aðferð: Tengslaskapandi sviðsett stefnumót

Verkefnið í heild sinni byggir á doktorsverkefninu Hversu lítið er nóg? sem var unnið við leiklistarakademíuna í Malmö. Þar þróaði Steinunn aðferðir sem viðbragð við alheimsvánni, svo sem tengslaskapandi sviðssetningar sem vinna meðvitað með tengslin sem skapast í stefnumóti manna, fyrirbæra og staða í staðsértækum þátttökusýningum.

Aðferðin vinnur með þau tengsl sem skapast eða styrkjast í því sviðssetta stefnumóti sem leiksýningin er. Verkin samanstanda af þeim einstöku þáttum sem hver og einn þátttakandi dregur með sér inn í stefnumótið og eru því sértæk fyrir það einstaka í aðstæðunum, sem er fólkið, staðurinn, stundin.

Leiðin performatíf pílagrímsferð um Vatnsmýrina í Reykjavík

Steinunn Knúts Önnudóttir og Kolbrún Dögg Kristjánsdóttir sviðslistakonur bjóða gestum í performatífa pílagrímsferðir um Vatnsmýrina í Reykjavík. Ferðin byrjar og endar við Norræna húsið og hentar öllum aldurshópum með allskonar getu.

Í Reykjavík er ferðin sérstaklega hönnuð með þarfir fólks með fjölbreytta hreyfigetu í huga en Kolbrún Dögg sviðshöfundur ferðast sjálf um á hjólastól.

Praktískar upplýsingar

Farið er frá Norræna Húsinu

Ferðin tekur um 90 – 120 mínútur og er umþb. 2,5 kílómeter. Boðið er uppá hressingu í ferðinni. Ferðast er eftir malbikuðum göngustígum og hellulögðum gangstéttum en um 5-10% af leiðinni er eftir malarstígum með fínni möl.

Farið á eigin vegum

Leiðarlýsingar til niðurhals: Leiðin_Vatnsmýrin_niðurhal

Bókanir í hópferð með leiðsögn

Hægt er að bóka sérstakar ferðir fyrir hópa á íslensku, ensku eða dönsku eftir samkomulagi.
Bókunarbeiðnir sendist tölvupósti á fallegt@fallegt.com

Ferðast er með virðingu fyrir landi og lífi.

Liðnar ferðir með leiðsögn: 10.júní, 12.júní, 14.júní 2025.

Steinunn Knúts Önnudóttir sviðslistakona og Benjamín Þorlákur Kjaran Steinunnarson Eiríksson landvörður bjóða til performatífrar pílagrímsgöngu í Ásbyrgi. Gangan byrjar og endar við Gljúfrastofu og er sértakt leiðarljós göngunnar líkamleikinn.

Praktískar upplýsingar

Gengið er frá Gljúfrastofu eftir Áshöfðahring, göngustíg A5. Gangan tekur 3 – 3,5 klst. og er miðlungs erfið. Farið er um 8 kílómetra leið eftir troðnum stígum og hentar flestu fólki. Hægt er að ganga leiðina í skipulagðri ferð á vegum Fagurferða eða á eigin vegum.
Leiðsögn er á íslensku og ensku.

Gengið á eigin vegum

Leiðarlýsingar til niðurhals: Leiðin_Ásbyrgi_niðurhal

Bókanir í hópgöngu með leiðsögn
Ekki er tekið við bókunum sem stendur.

Frekari upplýsingar á fallegt@fallegt.com

Gengið er með virðingu fyrir landi og lífi.

Liðnar ferðir með leiðsögn: 26. og 29.júní 2025.

Leiðin – Kjós  

Steinunn Knúts Önnudóttir sviðslistakona, Guðbjörg R. Jóhannesdóttir, umhverfisheimspekingur og Hrefna Lind Lárusdóttir, sviðslistakona bjóða til performatífrar pílagrímsgöngu í Kjós. Gangan er um 8 kílómetra hringleið um Hálsnes. Gangan miðlungserfið eftir malarvegum, á strönd og í gegnu móa og tekur um þrjár til þrjár og hálfa klukkustund. Gangan byrjar og endar við gámaplan á Hálsenda og er sértakt leiðarljós göngunnar leikur.

Gengið á eigin vegum
Hægt er að ganga á eigin vegum með því að styðjast við vegvísi og leiðbeiningar.

Leiðin Kjós til niðurhals í síma eða til útprentunar: Leiðin_Kjós_niðurhal

Bókanir í hópgöngu með leiðsögn

Hægt er að bóka hópgöngur eftir samkomulagi.

Frekari upplýsingar á fallegt@fallegt.com

Gengið er með virðingu fyrir landi og lífi.

Liðnar ferðir með leiðsögn: 19.júlí  kl.10:30 í tengslum við Kátt í Kjós.

Steinunn Knúts Önnudóttir sviðslistakona og Nína Magnúsdóttir myndlistakona bjóða til performatífrar pílagrímsgöngu í Hallormstaðarskógi. Gangan byrjar og endar við Hallormsstaðarskóla (hússtjórnarskólann) og er sértakt leiðarljós göngunnar hvíld.

Praktískar upplýsingar

Gengið er frá Hallormstaðarskóla eftir Hólahring, blá gönguleið. Gangan tekur 3  klst. og er miðlungs erfið.
Farið er um 6 kílómetra leið eftir troðnum stígum og hentar flestu fólki. 

Gengið á eigin vegum
Hægt er að ganga á eigin vegum með því að styðjast við vegvísi og leiðbeiningar.
Leiðin Hallormstaður til niðurhals í síma eða til útprentunar: Leiðin_Hallormstaður_niðurhal

Bókanir í hópgöngu með leiðsögn
Ekki er tekið við bókunum sem stendur.

Frekari upplýsingar á fallegt@fallegt.com

Gengið er með virðingu fyrir landi og lífi.

Liðnar ferðir með leiðsögn:  7. – 10. ágúst